Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Mediese Fondse
Mediese fondse: Te veel opsies vreesaanjaend

Die “vreesaanjaende” getal opsies waaruit mediesefondslede moet kies, moet tot een standaardopsie verander word.

Tans het verbruikers “die vreesaanjaende taak om uit 21 oop mediese fondse en 181 opsies te kies, wat nie gestandaardiseer of vergelykbaar is nie”, lui die verslag.

Daarna kan mediese fondse aanvullende voordelepakkette aanbied wat lede se spesifieke behoeftes dek, maar hulle sal dit net mag bied aan lede wat reeds die standaardopsie het.

Só word aanbeveel in die finale verslag van die markondersoek na die private gesondheidsbedryf wat Maandag ná vyf jaar se navorsing uitgereik is.

Luidens die verslag word verbruikers oorweldig deur die komplekse opsies waaruit hulle tans moet kies.

’n Standaardopsie sal daartoe lei dat mediese fondse meeding ten opsigte van dinge wat goed is vir verbruikers, soos laer pryse en ’n hoër gehalte van diens.

Tans het verbruikers “die vreesaanjaende taak om uit 21 oop mediese fondse en 181 opsies te kies, wat nie gestandaardiseer of vergelykbaar is nie”, lui die verslag.

Hierdie opsies het verskillende reëls ten opsigte van:

  • Spaarrekeninge;
  • Bybetalings;
  • Uitsluitings;
  • Medisynelyste; en
  • Netwerke.

Dit dra alles by  tot die kompleksiteit.

Dit lei daartoe dat verbruikers nie ingeligte vergelykings kan tref nie. “Hulle kan dus nie skuif na ’n mediese fonds wat ’n beter produk bied nie, en gevolglik is daar nie aanmoediging vir mediese fondse om mee te ding op grond van voordele wat lede bevoordeel nie.”

Volledige dekking

Die plan is dat die standaardopsie die huidige voorgeskrewe minimum voordele vervang. Dit sal op dieselfde beginsel werk, naamlik dat dié dienste en behandeling ten volle deur die mediese fonds gedek moet word, sonder bybetalings vir lede.

Die legio huidige opsies bied die verpligte minimum voordele aan plus ekstras, wat dit kompleks maak om te vergelyk en te verstaan.

Die Raad op Mediese Skemas (RMS) sal bepaal watter dienste in die standaardopsie ingesluit moet word. Hy is reeds besig met so ’n proses.

Die Raad op Mediese Skemas (RMS) sal bepaal watter dienste in die standaardopsie ingesluit moet word. Hy is reeds besig met so ’n proses. Die markondersoek beveel aan dat dit sy verantwoordelikheid bly.

Die standaardopsie moet katastrofiese uitgawes dek en voorsiening maak vir primêre en voorkomende sorg, asook sorg binne en buite hospitale.

’n Lys van items (soos medisyne en toestelle) wat altyd gedek moet word ten opsigte van ’n spesifieke diagnose, moet daarby ingesluit word. ’n Lys van siektes tesame met toepaslike behandeling moet ook voorsien word. ’n Lys moet ook verskaf word van toestande wat nie in die standaardopsie gedek word nie.

Die RMS moet die standaardopsie elke twee jaar hersien sodat bykomende toestande en behandelings bygevoeg kan word.

Onvolledige wetgewing

Die markondersoek het bevind onvoltooide wetgewing verwring mededinging. Dit het onder meer gelei tot die ontploffing in die getal opsies; stygende koste; verminderde toegang en baie min mededinging op grond van maatstawwe soos innovasie, pasiënt-uitkomste; kontrakte met verskaffers en premies.

Mediese fondse moes op grond van die beginsel van maatskaplike solidariteit almal as lede aanvaar en per plan dieselfde prys vra ongeag die lid se geslag, ouderdom of gesondheidstoestand.

Dit moes egter met ’n meganisme vir risiko-aanpassing gepaardgegaan het (sodat die mediese fondse met gesonder lede die fondse met sieker lede dra).

Sonder dié meganisme is premies uiters gekorreleer met die risiko van sy lede. Dit het tot gevolg gehad dat mediese fondse begin meeding het deur voordele te ontwerp wat jonger en gesonder lede lok.

“Die mededinging op grond van voordele is ten koste van mededinging ten opsigte van maatstawwe wat verbruikers se welstand verbeter, soos die verkryging van dienste wat waarde vir geld bied; ’n toename in voordele; beter diensgehalte en direkte mededinging ten opsigte van premies.”

Die markondersoek beveel aan dat so ’n risiko-aanpassingsmeganisme vir die standaardopsie geskep word.

Dit sal die aansporing vir mediese fondse verwyder om op grond van risiko mee te ding. “Fondse moet meeding op grond van maatstawwe wat ontwerp is om nuwe lede te lok, ongeag hul ouderdom of gesondheid.”

Die markondersoekspan glo die standaardopsie sal meer mededinging meebring omdat verbruikers opsies makliker sal kan vergelyk en innoverende inisiatiewe sal beloon. “Die mededinging sal mediese fondse aanspoor om te innoveer daar waar die dienste verskaf en kontrakte gesluit word.”

Aanvullende opsies

Die markondersoek beveel aan dat die aanvullende dekking gebied op ’n soortgelyke beginsel as versekering, naamlik dat die premie bepaal word deur die risiko dat ’n eis ingedien gaan word.

Die aanvullende opsies moet maklik vergelykbaar wees en reëls nakom wat deur die RMS bepaal word sodat dit nie ekstra kompleksiteit skep nie.

Die markondersoekspan meen dié aanvullende opsies sal die nodigheid vir gapingsdekking ongedaan maak.

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Sakegesprek

Jy moet ‘n intekenaar wees om ons weeklikse Sakegesprek-nuusbrief met Theo Vorster te ontvang.

Hallo, jy moet ingeteken wees of registreer om artikels te lees.