Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Mediese Fondse
Ondersoek oor gesondheid: Datums gou bekend

Mense wat asem ophou oor die uitslag van die markondersoek oor die koste van private gesondheidsorg, hoef nie lank te wag om te hoor wat die nuwe datum vir die finalisering van die verslag is nie.

Dit is waarskynlik min troos vir verbruikers wat op 24 Januarie moes hoor dat die werk van die markondersoek weens ’n geldnood tot einde Maart opgeskort is.

Lees ook: Ondersoek oor medies staak werk oor geldnood

Die finale verslag was veronderstel om einde Maart uitgereik te word.

gesondheid, hospitaal, hospitale
Private gesondheidsorg word jaarliks met meer as die inflasiekoers duurder, wat mediese fondse en reguleerders diep bekommer. Foto: Unsplash

Dié aankondiging is deur die Mededingingskommissie gemaak onder wie se vaandel die ondersoek uitgevoer word. In die kennisgewing is gesê die publikasie van die finale verslag van die markondersoek is weens begrotingsbeperkings vertraag.

In ’n nuwe kennisgewing wat Maandag uitgereik is, beloof die ondersoekpaneel, onder leiding van oudregter Sandile Ngcobo, datt hy sy werk sál voltooi en die finale verslag en aanbevelings sal publiseer.

Seminare wat in Februarie sou plaasvind met die bedryf om sekere aangeleenthede verder te ondersoek, word uitgestel.

“Hierdie seminare sal geprioritiseer word en sal plaasvind wanneer die ondersoekspan in die eerste kwartaal van die nuwe boekjaar sy werk voortsit.

“Die belangegroepe wat reeds hul aanbiedings voorberei het, is welkom om dit in te dien. Die ander moet voor einde Maart hul aanbiedings indien.”

Die ondersoekpaneel beloof ook om die nuwe datum vir die finale verslag en die aanbevelinge in die Staatskoerant te publiseer en dat ’n aangepaste rooster voor einde Februarie uitgereik sal word.

Ebrahim Patel, minister van ekonomiese ontwikkeling, het begin Januarie gesê die ondersoek het die afgelope vier jaar byna R200 miljoen gekos.

Netwerk24 het bereken dit beteken dat dit oor die sowat 1 250 werkdae sedert die begin van Januarie 2014 tot nou, nagenoeg R160 000 per dag gekos om die ondersoek te doen.

Die totale bydraes van lede in 2017 tot mediese skemas het R179,8 miljard beloop nadat die bydraes van 2016 af met R16,1 miljard of 9,9% gestyg het.

Dit beteken die koste van die ondersoek oor die vier jaar het minder as 0,1% van die jaarlikse bydraes beloop.

Die gesondheidsaktiviste Section 27 het voorheen oor die onderbreking van die werk van die ondersoekspan gesê “dit lyk of die politieke wil ontbreek” om die ondersoek af te handel. “As die markondersoek vir die regering ’n prioriteit was, sou die geld gevind kon word...”

Mapato Ramokgopa, nuwe direkteur van die markondersoek, het by navraag gesê dit is net die eksterne konsultante en die ondersoekpaneel wie se werk gestaak is omdat hulle nie nou betaal word nie. Die tegniese span wat personeel van die Mededingingskommissie is wat vir die markondersoek werk, gaan in die tussentyd voort met hul werk.

MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

  • INDEKS
  • GELDEENHEDE
  • KOMMODITEITE
Data word met 15 min. vertraag
  • Gold Mining 2417,42 (6258)
  • Top 40 48865,06 (-69430)
  • All Share 54876,82 (-74598)
  • Resource 10 43434,32 (-38670)
  • Financial and Industrial 30 73805,91 (-119542)

Sakegesprek

Jy moet ‘n intekenaar wees om ons weeklikse Sakegesprek-nuusbrief met Theo Vorster te ontvang.

Hallo, jy moet ingeteken wees of registreer om artikels te lees.