Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Mynbou
Goudmyne sluit weens tekort aan dollars in Zim

RioZim het produksie by sy drie goudmyne gestaak nadat Zimbabwe se Reserwebank nie die buitelandse valuta kon voorsien wat die maatskappy nodig het om in bedryf te bly nie.

Die Zimbabwiese Reserwebank se gebou in Harare. Foto: Bloomberg

Dit is die tweede keer sedert Oktober dat RioZim produksie opskort. Dit is die jongste aanduiding van hoe ondernemings in die land sukkel om aan die gang te bly te midde van die gebrek aan buitelandse valuta.

RioZim sê hy het produksie gestaak nadat die sentrale bank nie ’n belofte gestand gedoen het dat goudprodusente 55% van hul uitvoerverdienste in sogenaamde nostro-rekeninge kan hou en om uitvoer-aansporings aan hulle te gee nie.

Nostro is ’n bankterm wat daarna verwys dat ’n entiteit deur sy plaaslike bank ’n rekening in ’n buitelandse geldeenheid het by ’n bank in die land wat daardie buitelandse geldeenheid gebruik.

“Dit het ’n groot invloed gehad op die volhoubaarheid van die maatskappy se bedrywighede,” het die Harare-gesetelde RioZim gesê in ’n verklaring wat Vrydag in die koerant NewsDay gepubliseer is.

“Die huidige staking van bedrywighede het ’n wesenlike invloed op die maatskappy se prestasie.”

John Mangudya, hoof van die Reserwebank, was nie Vrydag beskikbaar vir kommentaar nie.

Mynbou is Zimbabwe se grootste bron van buitelandse valuta. Naas Suid-Afrika het Zimbabwe die wêreld se grootste platinumreserwes en ook groot hoeveelhede chroom en ystererts.

RioZim het in 2017 meer as 2 ton goud geproduseer; bykans 10% van Zimbabwe se totale produksie.

– Bloomberg

Meer oor:  Zimbabwe  |  Mynbou  |  Goudmyne
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.