Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Mynbou
Sibanye-Stillwater gee hand met platinum

Sibanye-Stillwater se aanleg by die Marikana-myn gaan hand gee om platinum namens Anglo Platinum (Amplats) te verwerk.

Dié aankondiging Dinsdag kom nadat Amplats vroeër in Maart aangekondig het dat alle produksie in sy Waterval-smelter naby Rustenburg vir sowat 80 dae gestaak word.

Sibanye-Stillwater se Kroondal-platinummyn.Foto: Sibanye-Stillwater

Dis nadat ’n ontploffing op 10 Februarie skade aan fase A van die aanleg aangerig het.

Fase B is toe in bedryf gestel om die produksie te behartig. Water wat egter by dié fase se hoogoond begin instroom het, het Amplats genoop om die hele aanleg af te skakel.

Sibanye-Stillwater en Amplats het ooreengekom dat alle materiaal afkomstig van sy Rustenburg- en Platinummyl-bedrywighede, asook sowat die helfte van die materiaal afkomstig van die Kroondal-myn in Marikana verwerk sal word.

Die ooreenkoms behels onder meer dat Marikana die materiaal by Amplats sal koop, dit verwerk en dan weer verkoop.

Dit sal gedoen word volgens die huidige ooreenkomste wat reeds gesluit is.

Sibanye-Stillwater sê dié stap sal geen invloed hê op die hoeveelheid materiaal wat van sy eie bedrywighede af kom nie.

Die ooreenkoms bly geldig totdat Amplats weer die Waterval-smelter in bedryf gestel het.

Amplats se aandeelprys op die JSE het kort ná die aankondiging met bykans 4% tot R687,11 gestyg. Sibanye-Stillwater het egter meer as 2% laer teen R20,79 verhandel.

Meer oor:  Sibanye-Stillwater  |  Amplats  |  Platinum  |  Mynbou
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ’n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar dit is nie 'n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier.

Stemme

Hallo, jy moet ingeteken wees of registreer om artikels te lees.