Laat lam oornag in die oond. Dit sal

smelt in jou mond.

genoeg vir 30 cm-pastei

• 45 ml olyfolie

• 6 groot (sowat 2 kg) lamskenkels

• 2 uie, grofgekap

• 4 knoffelhuisies, fyngekap

• 4 selderystingels, gekap

• 30 ml fyn koljander

• 30 ml vinkelsaad

• 1 x 200 g-buis tamatiepasta

• 2 x 410 g-blikke kersietamaties

• 500 ml rooiwyn

• 500 ml beesvleisaftreksel

• sout en varsgemaalde swartpeper

• 5 groot aartappels, geskil

• 250 ml louwarm melk

• koekmeel vir uitrol

• 1 x 400 g-rol broskors (shortcrust)

8 uur voor die tyd Verhit oond tot 100 °C. Verhit olyfolie in oondbestande

middelslag-pot tot warm. Verbruin lamskenkels in warm olie, sowat

5 minute per kant. Haal uit pot en voeg uie, knoffel, seldery, koljander en

vinkel by. Roerbraai vir sowat 5 – 8 minute of tot uie begin verbruin.Voeg

tamatiepasta by en braai nog 2 minute. Voeg kersietamaties, wyn en aftreksel

by. Meng en bring tot kookpunt. Plaas skenkels in sous. Geur goed met sout en

peper. Plaas pot in oond en bak vir 8 uur.

Maak pastei Verhit oond tot 200 °C. Kook aartappels in groot pot met water

tot sag en gaar. Dreineer en druk fyn met aartappeldrukker. Voeg genoeg

melk by en meng tot gladde, romerige mengsel. Geur goed en skep in spuitsak

met stervormige 1 cm-tuit. Sprinkel koekmeel op werkvlak en rol broskors

met koekroller tot sowat 4 mm dik. Spuit ’n 30 cm-losboom-koekpan goed

met kleefwerende kossproei. Voer pan uit met deeg. Verwyder skenkels uit

warm sous en haal die been uit – maak seker jy haal die stukke vleis wat dalk

al afgeval het ook uit die sous. Breek in kleiner stukkies en meng van die

pot se sous by tot klam vulsel. Skep in deegkors. Spuit kapokaartappel-rosette

bo-op vleisvulsel tot heeltemal bedek. Plaas in oond en bak vir 30 – 35 minute

of tot aartappels goudbruin en kors gaar is. Laat effens afkoel en verwyder ring.

Sit warm voor.