Saam met die prag-artikel propvol van die mooiste troufoto's in die Maart-uitgawe, moes akteurspaar Zetske van Pletzen en Altus Theart ook voor die kamera hul magic werk vir die voorblad. En magic, dié was dit!

In die artikel gesels die twee openlik oor hul mooiste dag – volgens hulle 'n droomtroue. "Dit was ongelooflik, ek het nie woorde om dit te beskryf nie. Ek was die hele dag kalm en ontspanne, maar toe ek daar afstap, het die trane net begin loop. Dit was 'n oorweldigende, emosionele ervaring. En toe ek in sy oë kyk en ek sien dis bloedrooi, toe begin ek net meer huil," sê Zetske.

Op hul droomdag!

* Kry die Maart-uitgawe van SARIE (vanaf Maandag 13 Februarie te kry) met bladsye vol foto's van hul troue én wittebrood.