* Hoekom doen ek dit? Baie mense sien gewigsverlies as ’n manier om die dinge te kry wat hulle graag wil hê: ’n liefdesverhouding, ’n beter werk en selfs meer selfvertroue. Vra jouself af of gewigsverlies regtig dié dinge gaan laat waar word.

Is daar ander maniere om dieselfde dinge te kry? Is jou verwagtinge realisties? As jy misluk om jou teikengewig te bereik kan jy maklik voel dis ook onmoontlik om jou ambisies te verwesenlik. As jy dit egter sien vir wat dit is, naamlik ’n poging om gesonder te leef, gaan dit jou selfagting minder raak.

* Vir wie doen jy dit? Moenie dit vir iemand anders as jouself doen nie. Die hele punt is om jou beter oor jouself te laat voel. As daardie “beter jy” deur iemand anders gedefinieer word, gaan jy uiteindelik die dieet begin haat. En ook die mens wie se idee dit was.

* Maak seker ’n mislukking is nie klinkklaar nie. As jy met ’n dieet begin en halfpad ophou, het dit ook ’n negatiewe impak op hoe jy oor jou lyf voel. Bring al die faktore in berekening wat jou gewigsverlies gaan beïnvloed: Jou bou, lengte, metabolisme en leefstyl. ’n Dieetkundige kan jou help.

* Vergeet van ’n kitsoplossing. Kitsdiëte werk selde op die lang duur. Sodra jy weer normaal begin eet, stapel die kilogramme weer op. Volg ’n gesonde leefstyl: Oefen en eet gesond – lewenslank.

Bron: www.dailymail.co.uk