Een van die grootste geskenke wat jy vir iemand kan gee, is om regtig te luister, sê Rosemary Clark, lewensafrigter en Time to Think-konsultant van Johannesburg.

Luister op 'n manier wat die ander persoon aanmoedig om sy sê te sê, nuut te dink en só dinge te ontdek wat hy nog nie weet nie. Maak duidelik hoeveel tyd jy het en gee dan jou onverdeelde aandag - al is dit net 5 minute. Moet hom nie in die rede val nie. Hou op huis skoonmaak of jou tas inpak. Kyk hom in die oë as hy praat, maar hou dit ontspanne. Dis lekker om te voel dít wat jy dink, maak regtig saak.