Die eeue oue Chinese tradisie om meisies se voete vas te bind, het grotendeels uitgesterf. Maar ’n handjie vol vroue wat dit in hul jonger dae gedoen het, leef nog. Jo Farrell het foto's en ’n video van dié vroue gepubliseer.

Die gebruik is reeds in 1911 amptelik in China verbied, maar op enkele klein plattelandse dorpies is klein meisies se voete daarna steeds van ’n jong ouderdom af met satynbande vasgebind om die bloedsomloop af te sny en so te keer dat hul voete groei.

Fotograaf Jo Farrell het besluit om die tradisie te dokumenteer voordat die groepie vroue sterf. Sy het na klein dorpies gereis om die bejaarde vroue te ontmoet, berig Huffington Post.

Jo se video op Kickstarter (’n webtuiste wat geld insamel vir projekte) vertel die storie van dié Oosterse tradisie en waarom dit as gesog beskou is as jou voete nie gegroei het nie. Sy kyk ook hoe die gebruik van generasie na generasie oorgedra is.

Vroue met verbinde voete was aantrekliker vir mans - veral in die ryker Chinese families. Dié vroue was meer in aanvraag vir gereëlde huwelike (baie van die vroue het in die verlede nie ’n sê gehad in die keuse van hul lewensmaat nie). Die verbinde voete was ook ’n teken van onderdanigheid aan haar man en familie, omdat dit vir die vrou moeiliker was om rond te beweeg.

Kyk net hoe balanseer dié bejaarde vroue op hul hakke terwyl hul loop:

Jo samel geld in om weer China toe te gaan om haar foto-projek te voltooi. Hier is een van haar foto's.

FOTO: Jo Farrell   Huffington Post FOTO: Jo Farrell

Kyk na die res van haar projek HIER.

Bronne: Huffington Post, Jo Farrel Photography, Kickstarter