"The Piano met die aktrise Holly Hunter en akteur Harvey Keitel in die hoofrolle. . . Met die instap was die fliek reeds aan die gang en iemand het my in die donker aan die arm geneem en by die trappe opgehelp na my sitplek.

Ek het so weerloos gevoel. In dieselfde jaar, 1993, het ek ernstig klavier- en kitaarlesse begin neem, en dié emosionele musiek het my heeltemal omvergegooi én gemotiveer.

Die fliek was skokkend en puik. Ek het ook die CD. As jy Sondag-blues het én inspirasie soek, luister daarna in reënweer, met 'n glasie wyn!"

The Piano