Ons lesers se gunsteling-woorde

'Ek is tot alles in staat deur Hom wat my krag gee. Dié woorde in Fil. 4:13 motiveer my as die lewe druk en ek voel ek kan nie verder nie' - Lesna Saayman, Sabie

'Ps. 103:1 sê: Ek wil die Here loof, met alles wat in my is, wil ek sy Heilige Naam loof (. . .) en nie een van sy weldade vergeet nie. 'n Verpleegster het hierdie vers vir my gegee toe ek 'n kankerpasiënt was. Dit het deur die jare baie vir my beteken' - Martie du Toit, Brakpan

'Laat U wil geskied . . . Met my egskeiding 20 jaar gelede kon ek dit nooit in my gebede aan die Here uiter toe ek Hom gesmeek het om my huwelik te red nie. Maar toe ek dit eers sê, het ek vrede ontvang en alles het net in plek geval' - Lizelle Steyn, Pretoria-Noord

Wat is jou gunsteling woorde/teks uit die Bybel? Hoekom inspireer dit jou?