"Wanneer ek my kop in die aande neersit, bly sy oë by my. Dis asof hulle versluier is. Die oop, blou, blink van sy kleinseuntjie-jare is weg. As ek my oë saans toemaak, voel ek sy benerige bolyf in my arms, sy bors teen my wang. Voordat ek aan die slaap raak, vra ek vir die Vader om asseblief my kind gesond te maak." - Menja (skuilnaam), 'n ma wat roerend geskryf het oor haar kind se depressie.