Adam en Behati, 'n Victoria's Secret-model, is op 24 Oktober saam na die GQ Gentlemen's Bal in New York. Levine (33) en sy eks-meisie, die blonde supermodel, Anne Vyalitsyna, is in April uitmekaar.

Volgens 'n ooggetuie was hulle danig met mekaar gedurende die aand en was hy regte gentleman.

'n Bron het vroeër aan Us Magazine vertel dat Vyalitsyna deur middel van 'n persverklaring haar verhouding met Levine beïndig het, en dat dit hom ná 'n verhouding van 2 jaar onkant gevang het.
"Hy het pret saam met Prinsloo," vertel 'n vriend van Levine. "Hy't gesê hy sal nooit weer met 'n model uitgaan nie, maar hy's 'n rocker, en dit is in sy bloed!" vertel die vriend.