“Ek het vir haar ’n styl geskep wat haar hare netjies hou terwyl sy dit laat groei,“ vertel Terence Janse van Vuuren, die eienaar van Terenzo-haarsalonne.

“Vir haar gesigvorm werk ’n vierkantige kuif die beste. Ek het van die kroontjie af ’n paar lae gesny. Dis nou heuningblond met ’n paar ligstrepies.“

Terence, wat as een van 15 L’Oréal-ambassadeurs wêreldwyd klasgee oor die nuutste haartendense, sê die beste haarsnit vanjaar is ’n ronde of diagonale kuif en baie lae in en om die kroongedeelte, die slape en aan die kante.