In byna elke klerewinkel is die baaibroeke en strooihoede uitgepak, want die winter is nou amptelik iets van die verlede. Tyd vir kortmoue, kortbroeke en koeler klere. Vir baie van ons is dit ook ’n tyd van pure paniek soos ons skarrel om van die wintervet ontslae te raak! En bredies, brood, gebakte poedings en ’n stomende beker warmsjokolade is nie meer ons beste vriend nie.

En of jy nou Desember strand toe gaan of nie, daai Beach Body sit soos 'n swart kraai op jou skouer. En pik-pik net so af en toe in jou nek as jy verby iets lekkers stap.

FOTO Unsplash FOTO Unsplash

As jy dus daardie ekstra kilo's wil afskud, is daar geen ander uitweg as om werk te maak daarvan nie. Die Groot Ontbyt en Groot FM se Johrné van Huyssteen het dit reggekry. Hy  het binne een maand 10 kg verloor met ’n leefstylprogram. Tydens die eerste 10 dae het hy 5 kg afgeskud. En in die daaropvolgende 2 tot 3 weke nog 5 kg!

"Ná 40 raak dit al hoe moeiliker om gewig te verloor, veral om die maag. Dít was my grootste motivering," vertel Johrné.

"Ek het ook begin swem en swem so gemiddeld 3 km in ’n dag se oefensessie. Nou weeg ek swaarder, maar dit is spiere." "Voor dié leefstylprogram het ek al baie diëte gevolg, maar dié keer wou ek ’n kickstart kry en iets volg wat nie sal maak dat ek ná dit tyd weer al die gewig optel nie." Johrné werk nie normale werksure nie. Die radio- en TV-program Die Groot Ontbyt word soggens 5:30 tot 9:00 op 90.5 FM en regstreeks op kykNet uitgesaai.

“Wanneer ek soggens vyfuur opstaan, eet ek twee eiers en tamatie. En ná werk, teen nege-uur, eet ek eiers of iets vleiserig. Maar die meeste van die tyd sal ek dieselfde kos as die vorige aand eet, wat 'n proteïen is met groente. Dit is 'n laevet-dieet wat geen suiker en geen stysel bevat nie. Só leef ek Maandag tot Vrydag. En dan oor die naweek, Saterdag of Sondag, sal ek iets lekkers eet en myself bederf. As jy dít nie doen nie, is dit nie volhoubaar nie."

Kyk na die voor en ná foto's. Kyk net daai spiere op die regterkantse foto! 

jorries2

Lees nou

Adele se dieet – en dit wérk glo!

Dís hoe Nadia Beukes gewig verloor voor troudag

Lyk skraler in ’n japtrap, sónder ’n dieet!