Die storie speel hom af en is ook verfilm op Loxton in die Noord-Kaap. Die gewilde sangers Theuns Jordaan en Elizma Theron speel die hoofrolle. Die pragtige Christina Storm en veelsydige Neil Sandilands is ook te siene saam met nuwelinge Janke Bruwer en Chris Majiedt.

"Die film is ‘n Afrikaanse drama in die tydlose tradisie van films soos Paljas (1998), Die Storie van Klara Viljee (1992) en Nag van die Negentiende (1992)" se Roodt.
"Ek was nog altyd verlief op die uitgestrekte Karoo-landskappe. Jakhalsdans was ‘n wonderlike geleentheid om saam met sterre soos Theuns en Elizma te werk sodat ons ‘n romantiese storie wat steeds eg Suid-Afrikaans is kon skep. Die film is heeltemal anders as die Afrikaanse komedies wat die afgelope paar jare die Afrikaanse rolprentbedryf oorheers het."