“Materiële dinge is lekker,maar niks voel so goed soos die geskenk van gesondheid nie! Ek het dit vir myself gegun om beter te voel en te lyk, maar ook van binne gesonder te wees. Dis iets wat stelselmatig moet gebeur.

“Die meeste mense se reaksie is dat net die helfte van my vorige self oorgebly het. Dit is letterlik! Ek het van ’n 18/20-grootte tot ’n 10/12 gekrimp.

“Oefen, oefen, oefen en oefen! Dis die antwoord. Daarby probeer ek reg eet. Wanneer ek van die pad afdwaal, oefen ek meer om daarvoor op te maak. “Sodra jy die gewig bereik waarna jy gestreef het, kan jy dalk ’n bietjie minder oefen. Maar die balans tussen eet en oefen is steeds belangrik.

“My Kersvoorneme is om behoorlik te dink oor geskenke vir almal sodat dit iets kan beteken. Ek dink materiële dinge kan baie oppervlakkig wees, veral as jy ’n geskenk sommer net koop, sonder om mooi daaroor te dink. Ek waardeer ’n present wat my laat besef die gewer ken my.

“Kersfees is ’n tyd van lekker kuier. Eintlik nie net ’n paar dae nie,maar die hele maand. Ek het myself een ding beloof: Dat ek nie genot sal oorslaan nie, maar dit help ook nie ek is ná die genot geweldig kwaad vir myself nie. Ek gaan beslis nie sê ‘dis nou Kersfees, die reëls geld nie meer nie’. Ek verslap hulle net so ’n bietjie!”