Peter Sarstedt se grote. En nou het hy dit die naweek (September 2010) saam met niemand anders nie as ons eie Mathys Roets, gesing. Hul konsert was by die Walter Sisulu Botaniese Tuine in Roodepoort.

Dit was deel van die Sappi Sondagpiekniek-konserte wat vanjaar vir die 10de keer aangebied word.

Sarstedt is 'n natuurbewaringsaktivis en is in Suid-Afrika as 'n gas van Sappi om te help geld insamel vir verskeie omgewingsbewaringsorganisasies.

"Ongelooflik om vandag saam met Peter te kon sing. Toe ons gou in kleedkamers 'where do you go to my lovely' oefen, kon ek nie glo dis hier voor my en ek hoor rêrig die stem wat mens al soveel jare met die lied assosieer nie," het Mathys gister gesê.

Sarstedt was al voorheen in SA om verskeie ongewingsorganisasies te ondersteun. Hy toer steeds regoor die wêreld en skryf steeds musiek spesifiek vir omgewingsbewusmaking. Sy ''groen musiekword oral gehoor, en sy liedjie Save the rhino gaan spesiaal in SA gesing word om bewustheid rondom die bedreiging van renosters te skep.