2010 was vir haar ’n mallemeulerit van algehele hoogtepunte, soos haar Oscar vir The Blind Side, en laagtepunte soos haar egskeiding.

Presies ’n week nadat sy die Oscar ontvang het, het dit op die lappe gekom dat haar eksman, Jesse James, ontrou is aan haar. Twee maande later was die egskeiding afgehandel.

Kort daarna het Sandra enkelouer geword van ’n babaseuntjie, Louis. Sy en Jesse het maande vantevore aansoek gedoen om die baba aan te neem, maar na die egskeiding het Sandra toesig oor Louis gekry.

Sandra is ook deur Forbes.com aangewys as die hoogsbetaalde aktrise in Hollywood, wat $56-miljoen verdien het vir The Blind Side en The Proposal.

2010 was vir seker nie ’n maklike jaar vir haar nie, maar dit was definitief die suksesvolste jaar van haar lewe!