Die haarstillis van die Hollywood-celebs, Oribe, het onlangs vir aktrise Scarlett Johansson 'n nuwe meer moderne medium-lengte bob gesny.

Volgens hom is haar kuif tipies Brigitte Bardot en is haar punte oneweredig gesny soos supermodel Christie Turlington destyds in die 90's dit gedra het. Hy het haar haarkleur ook ligter gemaak vir die somermaande.

Die medium-lengte van die snit pas, volgens hom, alle gesigvorme en veltone. Dis die perfekte lengte wanneer die voorpunte amper aan die skouerbeen raak. Onder die ken is té kort! Dis 'n baie veelsydige styl en omdat dit effens langer is, laat dit jou toe om dit op te dra wanneer jy so voel. En die ongelyke punte maak die styl onmiddellik sagter.

Hou jy van haar nuwe styl?

* Lees meer oor haar nuwe haarstyl.

* Probeer verskillende haarstyle op jou foto.