Jy was 'n Olimpiese swemmer?
Ja, in 2006.

Die kaptein?
Nee, maar wel vir die Statebondspele-span.

Mis jy die swemmery?
Nee. Ek het daaruit gekry wat ek wou. Ek geniet dit om akteur te wees, maar ek is nog baie lief vir sport en kyk alles.

En jy't drama studeer?
Aan die Universiteit van Noord- Kalifornië, met 'n swembeurs.

Saam met internasionaal bekendes?
Nee. Maar Jamie Lee Curtis het glo vroeër daar studeer.

Net één bekende akteur?
Baie akteurs kom vandag van die straat af. Of hulle het by Juilliard in New York studeer.

Frustreer dit akteurs as mense sonder opleiding rolle kry?
Nee, baie goeie akteurs het nooit drama studeer nie, soos Johnny Depp. Daar is wel ook baie opgeleide akteurs. Emma Thompson en Kenneth Branagh het by RADA geswot, die Britse ekwivalent van Juilliard.

Hoekom het jy nie oorsee gebly en gewerk nie?

Ek is bly ek het teruggekom. Ek glo aan Suid-Afrikaanse stories. Dis lekker om deel te wees van 'n TV-reeks wat deel is van die SA kultuur. Maar jy gaan nie maklik hiér in 'n Shakespeare- of Tsjechof-stuk kan speel nie.

Dis waar, ja.

Was dit liefde met die eerste oogopslag toe jy Nadia op die Binnelanders-stel sien?

Nee, ek glo nie daaraan nie. Dit het oor tyd ontwikkel. Dit het elke dag gegroei en groei steeds.