Hy vertolk 'n joviale karakter in dié gesellige koffiewinkel. Marguerite van Wyk het met hom gesels.

Wat het jy geleer oor toneelspel in 7 de Laan?
Ek is hier sedert Oktober 2005 hier en multi-cam werk was een van die belangrikste vaardighede wat ek geleer het.

Wat het dié sepie jou oor die lewe geleer?
Dis nooit so erg as wat dit lyk nie!

Hoe het jy gegroei as akteur sedert jy hier aangesluit het?
Met reuse spronge. Ek was vars uit die universiteit toe ek aangesluit het en het nog slegs 'n jaar se professionele ondervinding gehad toe ek aangesluit het. Nou weet ek dat ek enigiets sal kan hanteer wat ek moet.

Wat is die grootste uitdagings vir 'n sepie-akteur?
Om so vroeg op te staan!Jy moet ook op enigiets voorbereid wees.

Hoogtepunte sover?
Die blootstelling en ondervinding - en die akteurs en tegniese span waarmee ek werk.