Melanie du Bois (Felicity Daniels) oor haar ervaring by 7de Laan

7de Laan beteken vir my . . .

"Toe ek verlede jaar vir my in vitro-behandeling gegaan het, het almal by 7de Laan my ondersteun. Jo da Silva (Gita) het my inspuitings vir my gegee, en as ek 'n skouer nodig gehad het om op te huil, was daar altyd iemand. Dit was een van die moeilikste tye van my lewe en daardie ondersteuningstelsel het my krag gegee om deur die behandeling te kom, veral toe dit nie suksesvol was nie.

My gelukkigste herinnering is toe almal vir my 'n ooievaarstee gehou het, sommer op stel. Ek het dit glad nie verwag nie. Roxy (my dogtertjie) het so baie geskenke gekry. Ek is al nege jaar by 7de Laan en dis wonderlik om te sien hoe my karakter oor die jare verander het - van 'n winkelassistent tot iemand wat haar eie boetiek het waarvoor sy self die klere ontwerp."

Oor die volgende tyd gaan ons gesels met 'n paar van jou gunsteling Laan-akteurs oor hul ervaring by 7de Laan. Matrone, Tim, Mandla, Aggie en ander is wie jy na kan uitsien!