Deesdae sing hy op die verhoog in Mamma Mia!, eers in die Kaap en van begin Oktober in Johannesburg

Hoe oud was jy toe jy begin toneel speel het?
Oe, klein, nog op laerskool. Ek en my sussie was Hans Strydom en Sybil Coetzee se kinders in 'n dramareeks genaamd Klagstaat. Ek was 15 toe ek in Orkney snork nie begin speel het.

En nou speel jy in 'n musiekblyspel ook. Die mense sê Mamma Mia! is wonderlik.
Dit is regtig!

En jy sing glo baie goed.
Ag, dankie, ja, ek geniet dit. Jy vertolk die rol wat Pierce Brosnan in die fliek gespeel het. Maar hy kon glad nie sing nie. Dit was nogal charming, ek het gedink daardie karakter behoort nie te kan sing nie.

Ek dink die karakter moet kan sing.
Jy moet onthou, dit was die internasionale vervaardigers wat die rolverdeling hier kom doen het. En hulle weet presies wat hulle wil hê. Presies.

Jy moet eintlik vir Willie Esterhuizen sê hy moet 'n Orkney snork nie - die musical maak!
Ek het nog nooit daaraan gedink nie - dit sal baie lekker wees.

Jy is ook deesdae pa van 'n seun. Hoe voel dit?
Ek is maar nog steeds 'n loskop, maar 'n mens word gou verantwoordelik.