Is jy nou weer voltyds terug by die Laan?

Ja, ons is volstoom aan die gang.

 Wat mis jy nou die meeste van by die huis by jou kinders wees?

'n Ongejaagde oggend sonder spanning.

Is die nuwe roetine van weer werk toe gaan 'n groot aanpassing vir jou?

O ja! Dit verg nogal baie om myself elke dag uit die bed te sleep.

Hoe gaan dit met klein Brioné en Kiana? 

Dit gaan goed met Brioné en Kiana. Hulle begin mekaar nou geniet en Kiana is BAIE trots op haar sussie! 

Jou BabyB-onderneming is gereeld by die ekspo's en dit lyk of dit baie goed gaan?

BabyB groei stadig maar seker en ons het allerhande drome vir die brand. Watch this space

Deel jy en van die ander 7de Laan-ma's gereeld baba-wenke? Wie van hulle gee die beste raad?

Almal van ons kan nogal raad uitdeel en veral as die kinders siek raak, help ons mekaar met boererate en allerlei ondersteuning.

Wat is die Wahl's se Kersvakansie-planne met Brione se eerste Kersfees saam met julle?

Ons gaan saam met my man se familie vakansie hou en ons hoop om 'n paar nuwe tradisies te begin. Idees is welkom...

Is Emma terug om te bly? Wanneer is sy terug op die kassie?

Emma is terug om te bly en julle kan haar einde Januarie terug verwag op die kassie.