Dié 25-jarige sangeres Karlien van Jaarsveld van Pretoria maak later vanjaar haar verskyning in Sean Else se fliek Platteland. Nogal as Steve Hofmeyr se dogter.

Wou jy nog altyd ‘n sanger word?
Nee, ek wou drama studeer. Toe sê my pa nee en ek swot bemarking. Maar ná ses maande sê hy ek mors my tyd, want ek is nooit in die klas nie! Toe besluit ek op musiek.

Wat kies jy - musiek of drama?
Ek sou graag wou toneel speel. Maar nou dat ek musiek maak, love ek dit.

En jy speel toneel, in die fliek.
Ja, ek weet. Die Here ken my so goed. Hy weet wat ek wil doen. Dit is regtig 'n blessing.

Maar jy is al klaar geseënd met 'n mooi gesig!
Ag, dankie, dis vrek nice dat jy dit sê. Ek is baie ge-bless. Maar my broer kry die meeste. Ek dink die Here is bang ek voel agtergelaat. Nou bless Hy my ook met baie goed.

Wat dink jy gaan die beste fliek wees, Liefling of Platteland?

Dis flippen snaaks. Ek hou baie van Liefling. Dit was 'n baie goeie fliek wat baie goed gevaar het. Maar ek hoop dat ons hulle kan verbysteek. Ons beweeg nou in die regte rigting met die flieks in ons land.

Was jou broer se troue mooi?
Dit was soos om na 'n kinderstorie te kyk, soos Aspoestertjie. Die enigste verskil is, daar was niks leliks nie. Jy weet, daar is mos altyd iets leliks in kinderstories. Hy was 'n prins en sy 'n prinses.