Op ’n huispartytjie in Hollywood het hy ook saam met Tom Cruise borde kombuis toe gedra. Lord of the Rings se Elijah Wood was onder andere ook daar. Hier deel hy met sarie.com 'n paar ander geheime:

1. Ek het Scheuermann-siekte. Dis ‘n rugafwyking. My werwels groei oneweredig. Wanneer dit voel of my spiere knoppe maak, vryf ek my rug teen ‘n muur.

2. Ek eet elke dag dieselfde ontbyt. ‘n Halwe koppie organiese hawermout, 16 rou amandels, ‘n stukkie droë organiese piesang, ‘n halwe koppie vars bloubessies, ‘n halwe koppie opgesnyde vars aarbeie en ‘n koppie Naked Juice. Dis ‘n gesondheidsdrankie gemaak van vrugte en groente (soos broccoli!).

3. Ek maak idiome op wat nie bestaan of sin maak nie. Pleks van om byvoorbeeld te sê it's not rocket science, sê ek you don't have to be a science rocket.

4. Ek doen alles oordrewe. As ek myself afdroog, doen ek dit hard. Ek oefen so hard dat ek myself beseer.

5. Ek is obsessief oor higiëne en bly weg uit publieke badkamers want hulle is só vuil!

Frank se gunstelinge

Film Vir dié jaar is dit Pedro Almodovar se Broken Embraces waarin Penelope Cruz speel.

Plaaslike aktrise Wilna Snyman, Anna-Mart van der Merwe en Rolanda Marais.

Oorsese aktrise Penélope Cruz. Carey Mulligan in An Education.

Plaaslike akteur Neels van Jaarsveld. En Waldimar Schultz. Hy is sooooo onderskat.

Oorsese akteur Matt Damon. Jeff Bridges in Crazy Heart.

Sportman Enige Suid-Afrikaanse gholfspeler soos Ernie Els en Retief Goosen.

Boeke Birdsong deur Sebastian Faulks. Dit het my laat besef mens kan enigiets oorleef.

Wyn Daar is baie. Chamonix Chardonnay, Graham Beck Pheasant Run, Ernie Els se wyne, Thelema se Merlot en Cabernet Sauvignon. In Amerika drink ek graag Argentynse Malbec.

Kos Zibaldone Restaurant in die Tyger Waterfront (digby Bellville) se Tagliata. Dis ‘n Italiaanse visgereg.

Musiek U2, nie net hul musiek nie, maar hul hele filosofie. Bono het onlangs gesê hy vind uit wat God doen en raak betrokke, want Hy het dit reeds geseën. Dis duidelik dat Hy baie aandag aan die armes, weduwees en weeskinders gee. Ek hou ook van Lady Antebellum, Crowded House en Kings of Leon.

Mees inspirerende aanhaling Dit kom uit Philip Yancey se boek Reaching for the Invisible God: “Nothing in life can happen that God cannot redeem.” Daarmee verstaan ek wat ookal gebeur, moenie opgee nie. God sal jou lei om ‘n weg te vind al lyk dit nie of daar een is nie.

My persoonlike slogan Don’t swing at every ball life throws at you. Not every ball is a 4 or a 6. Nie elke geleentheid wat na jou kant toe kom is die groot ding waarvoor jy wag nie. Moenie soveel energie daaraan bestee dat jy gedaan is wanneer die regte geleentheid kom nie!