Nuwe avontuur vir Donnalee en Ivan!

akkreditasie
Donnalee en Ivan se 2020 hou ’n nuwe hoofstuk in!
Donnalee en Ivan se 2020 hou ’n nuwe hoofstuk in!
Goeie en opwindende nuus vir dié rolprentpaartjie!

Hul hele jaar sover is gebou op pure vergenoegdheid.

Donnalee Roberts en Ivan Botha se huis, hart en lewe is nou in die Kaap, waar hulle reeds groot avonture beleef het.

Een daarvan was ’n troue oor twee dae in die Boland met al hul geliefdes as getuies. 

“Die jaar het alle verwagtinge, wat ek nie eens geweet het ek het nie, oortref. Om in die Kaap te bly was ’n eendag, om te trou was ’n eendag. En skielik het die jaar vir ons oopgegaan en ons ‘eendag’ word ‘vandag’,” het Donnalee gesê in haar voorblad-onderhoud vir SARIE se Augustus 2019-uitgawe.

Ivan, Donnalee en Amélie. Die drietjies het saam foto’s geneem voor die tweede aand van hul bruiloffees afgeskop het. FOTO Aglow Photography

En nou is nog ’n avontuur op hul horison: ouerskap. Die egpaar gaan volgende jaar die nuutste karakter in hul Botha-rolprent ontmoet.

Donnalee is swanger. En hulle is rustig, tevrede en sielsgelukkig.

“Ek het die lieflikste verhouding en beste vriendskap met my ouers, dit het gemaak dat ek my lewe lank al droom van ma word,” vertel sy aan SARIE.com. “Ivan is die beste pa en sy wonderlike verhouding met Amélie [sy dogter] inspireer my elke dag.”

Ook Ivan se hart loop oor.

“Ek is verlief op die gedagte om ’n baba saam met die liefde van my lewe te hê. Donnalee is gebore om ’n ma te wees en ek kan nie wag om saam met haar hierdie hoofstuk in ons lewe te begin nie.”

Baie geluk, Ivan en Donnalee!

FOTO Aglow Photography

 Hul tweede troudag is eksklusief te sien in SARIE Bruid (nou te koop!)

JONGSTE UITGAWE

NOVEMBER/DESEMBER 2021

JONGSTE UITGAWE
SARIE is dié glanstydskrif van die Afrikaanssprekende vrou van Suid-Afrika.
Begin lees
Nuusbriewe: Registreer gratis

Registreer vir ons nuusbrief en bly op hoogte van die jongste SARIE-nuus.

Klik vir nuusbriewe
SLIMMER MET SARIE

Tuiskokke, raak slimmer met SARIE!

SLIMMER MET SARIE
Skerp jou vaardighede op met Herman Lensing se kookkursus.
Sien meer
SARIE BRUID: (VER)KOOP MY ROK EN ANDER DIENSTE
SARIE BRUID: (VER)KOOP MY ROK EN ANDER DIENSTE
Splinternuut! Nou kan jy ander bruide inspireer met jou trourok, -produk of -diens. Of inspirasie vir jou droomtroue binne die SARIE-wêreld kry.
Begin lees