"Dis my huis. Ek het baie vriende op stel gemaak en ek is mal oor die werkomgewing waar daar wedersydse respek is. Dis my negentiende jaar in die bedryf en ek was nog nooit gelukkiger nie. Baie van die ander akteurs wil die rol van Gita speel – ek dink dis omdat dit so ’n uitdagende karakter is. Sy’s nie net boos nie – sy’s volrond en daar is redes vir haar besluite.

Om die feeks te speel is net eenvoudig meer pret! Ek kan nie wag om my volgende teks te lees om te sien wat Gita gaan aanvang nie.

Ek’s mal oor die uitdaging om in Afrikaans te werk. Ek moet harder as ooit werk omdat my moedertaal Engels is, maar dis pret. 7de Laan is groter as enige individu. Dis ’n ensemble van professionele mense wat gehaltewerk lewer en hou van lag. Die poetse by 7de Laan is legendaries en eindeloos.”