Wyle prof. Chris Barnard het my leer visvang. Ek het baie van Barbara Barnard, Chris se tweede vrou, se rokke ontwerp en het op my lekkerste, in Afrikaans, by hulle gekuier. As kind het ek dikwels oor Barbara, die godin aan Chris se sy, gedroom as ek na tydskrifte gekyk het. Min wetend dat sy eendag my loopbaan sou lanseer.

Ek eet nie meer fancy schmanschy kos nie. Deesdae is dit eenvoudige goed, soos bobotie en kerrie.

Ek kan kliënte se stemme en mannerismes baie goed naboots.

Onlangs, toe ek in Hong Kong op 'n hotel se patio drankies gedrink het, het mense die kameras uitgeruk en begin foto's neem. Ek het dadelik omgekyk. Toe besef ek eers hulle neem mý af!

Ek is alternatief spiritueel. Ek bêre dit in 'n kassie weg en as ek dit nodig het, haal ek dit uit. Dis iets wat jou nooit verlaat nie.