Anna Davel vertel vir sarie.com wat haar opgewonde maak oor 2010 . . .

"Ek kyk om my rond en sien baie mense wie se fondamente geskud is die afgelope jaar of twee. Ek dink veral die ekonomiese krisis het ons almal weer laat besef hoe broos en afhanklik ons is.

"Almal het harder gewerk, meer gestres en moeiliker bo gebly in 2009. Dit maak my ongelooflik opgewonde dat daar verligting in die lug is, dat mense stadig weer begin asem haal, en mense weer dinge in perspektief kan sien.

"Die ou optimisme, kreatiwiteit en goeie humorsin wat so eie aan ons Suid-Afrikaners is, vloei sterk en ek glo vas in ons aanpasbaarheid. Ek vermoed die sokker-wêreldbeker gaan baie entertaining wees, maar ek moet sê die Dalai Lama lê nog te vars in my geheue, so ek hou maar my hart vas oor wat die mense in gesagsposisies weer gaan uitdink!

"Die moontlike einde aan Gauteng se padwerke maak my liries!" - Anna Davel, sangeres.

Waar sing Anna in 2010?

31 Jan: Stellenbosch Oude Libertas-teater - Blues en Susters met Ollie Viljoen en Schalk Joubert

14 Feb: Stellenbosch Oude Libertas-teater - French Valentine

20 Feb: Parys - Ruby's (056) 811 5080

26 Feb: Worcester Casino - Blues en Susters met Ollie Viljoen en Schalk Joubert

3 - 5 Mrt: Stellenbosch Oude Libertas-teater met Cutt Glas

5 - 7 Mrt: Stellenbosch Woordfees Gala-aand - Anna saam met die Oude Libertas Koor

29 Apr: Clanwilliam Cederberg-fees

20 Jun - 4 Jul: Grahamstad Nasionale Kunstefees - Linger Longer

Opgewonde oor 2010?

Vertel ons in die kommentaarboksie wat jóú opgewonde oor 2010 maak.