SKRYF IN OF BENOEM IEMAND!

Die Covid-19-pandemie het die wêreld tot stilstand geruk. Geleenthede wat herinneringe bou is uitgestel en afgestel - troues is een van hulle. Maar ons klou steeds aan die mooi vas, ons moet. 

Vandag kyk ons weer na die trou-foto’s van die wenners en finaliste wat daarna ook pragtige bruide geword het.

Tana Ferreira 

Die pragtige blondekop is in Desember 2018 in die Hemel-en-Aarde-vallei met haar Martin van Rooyen getroud. Tana was 2012 se Voorbladgesig-wenner.

KYK: Tana se sprokiesdag

Tana Ferreira FOTO’S Julia Winkler

Monique Sutherland

Die beeldskone donkerkop, ons Voorbladgesig in 2014, het in Junie 2018 op die oewer van die Vaalrivier die ja-woord aan Kelvin Brits gegee.

KYK: Monique deel haar troufoto’s

Monique Sutherland FOTO’S Suikerbekkie Fotografie

Shené van der Vyver

Shené, ’n finalis in 2017, het haar eie trourok gemaak. Sy is in Desember 2018 in Muldersdrift met Joe Olivier getroud.

KYK: Shené sê 'ja' in eie trourok

Shené van der Vyver FOTO’S Celeste Cilliers

Elmaine Lourens

Die 2014-finalis het in Desember 2017 op ’n Durbanville-wynlandgoed trou beloof aan D’Niel Miskey.

KYK: Finalis Elmaine trou op wynlandgoed

Elmaine Lourens FOTO’S Aglow Photography

Elanze van der Merwe

Die 2017-finalis is ’n paar weke voor die galageleentheid waar die wenner aangekondig is, getroud met Stefan Conradie. Hul troue is in Bloemfontein gehou.

KYK: Elanze se Vrystaatse troue

Elanze van der Merwe FOTO’S Go Urban Photography

Hané van Schalkwyk

Twee jaar nadat Hané in 2015 ’n Voorbladgesig-finalis was, het sy met Ulrich Carshagen afgehaak. Hulle het buite Lanseria getrou.

KYK: Hané se mooiste dag

Hané van Schalkwyk FOTO’S Mighty Fine Photography