Die soet van die pere smaak heerlik saam met die groenbone.

Genoeg vir 4 porsies

• 45 ml rooiwyn-asyn

• 60 ml olyfolie

• hand vol grasuie (chives), gekap

• hand vol Italiaanse pietersielie, fyngekap

• ½ ui, baie fyn gesny

• 2 x 180 g-pakkies dun groenbone, vir 3 minute in kookwater gedompel

• sout en varsgemaalde swartpeper

• 30 ml kanola-olie

• 2 ferm pere, ontklok en in halwes gesny

• 50 g okkerneute

• 30 g parmesaan-skaafsels

Meng asyn, olyfolie, kruie en ui met draadklitser in middelslag-mengbak. Voeg groenbone by en meng. Geur met sout en peper. Verhit olie tot warm in middelslagbraaipan. Plaas pere met gesnyde kant na onder in warm pan. Braai 5 – 8 minute of tot begin verbruin. Voeg neute by en braai nog 2 minute of tot neute ook goudbruin is. Voeg pere en neute by groenboonmengsel. Meng. Plaas in opdienbak en sprinkel parmesaan oor. Sit voor.