1. Die Suid-Afrikaanse Vleis-kookboek deur Sannie Smit

Dié een boek wat jou álles leer oor vleis.

Die Suid-Afrikaanse Vleis-kookboek

2. Waar vye nog soet is deur Emilia le Roux en François Smuts

Seker die mooiste Suid-Afrikaanse kookboek wat ek besit! Die stories en foto's laat jou verlang na Ouma se kos.

Waar vye nog soet is

3. Larousse Gastronomique - The World's Greatest Culinary Encyclopedia

Dié handgids tot kook. Alles wat jy wil weet oor elke klassieke dis en presies hoe jy dit op die regte manier moet voorberei. 'n Moet op enige kosmens se boekrak!

Larousse Gastronomique

4. On food and cooking deur Harold McGee

Dis ’n belangrike kookboek om te hê as jy wil verstaan hoekom bestanddele op sekere maniere in die kookproses reageer. Wat is die chemie agter geklitse eier en vleis wat verbruin? Die boek leer jou om kook werklik te verstaan en te weet hoe om die beste resultate te kry.

On Food and Cooking

5. My Ouma se handgeskrewe resepteboek

Dié boek is my juweel op my boekrak. Dis my grootword-kos, die handleiding wat my gevorm het as kosmens en die boek waar ek elke keer nuwe inspirasie kry. As ek opsoek is na ’n koek wat nooit sal flop nie, kry ek dit in Ouma se resepteboek. 

My Ouma se resepteboek

Ons het ook gaan aanklop by kosghoeroe Peter Veldsman en SARIE KOS-kosredakteur, Barbara Joubert, om te hoor watter kookboeke hulle inspireer.

PETER VELDSMAN

Peter Veldsman

Daar is eintlik meer as een. Sannie Smit se Die Suid-Afrikaanse Vleis-kookboek. Rina Pont se Suid-Afrikaanse Wildsgeregte beskou ek steeds as die boek wat my die meeste geleer het.

Die eerlikste boek wat ek gelees het, was verseker Waar vye nog soet is van Emilia le Roux en François Smuts.

Hester se brood deur Hester van der Walt was vir my ook geweldig inspirerend.

BARBARA JOUBERT

Barbara Joubert, SARIE KOS-kosredakteur

Sonder twyfel Sannie Smit se Die Suid-Afrikaanse Vleis-kookboek. As jy iets van vleis wil weet, sal jy dit daarin kry.