"Kos is nie my eerste liefde nie, mense is; maar kos is 'n manier om mense te beleef. Ek wou nader aan my luisteraars kom, en jy leer mense ken volgens die manier waarop hulle 'n resep vertel - veral as hulle honger is! Ons lekkerste tye bymekaar is tog om 'n tafel met geurige kos, goddelike wyn en goeie geselskap. Nou sit ons smiddae om die radio en kwyl oor die lekker kos.

"Dankie aan al die luisteraars wat ons in Tjailatyd vermaak met hulle resepte! Sekere resepte is spoggerig, ander uit 'n boek, en die res uit die hart!

"Mag jy lekker saam smul! - Amore Bekker

Amore het die boek aan Robbie Nutt opgedra -  haar lewensmaat wat Desember verlede jaar in 'n vliegongeluk gesterf het.

Tjailaresepte word uitgegee deur Naledi-uitgewers en is vanaf 20 Augustus te kry.

Wat's in die boek, en is daar poeding?

Tjailaresepte begin sommer met die poeding! Kaptein se piesangpakkies oor die kole, Ester se luihuisvrou-sjokoladekoek of Hilda se mango-brûlée... Noem dit, dis daar.

Dan's daar resepte vir elke dag van die week. Begin met Puttanesca á la Amore op Maandag en sluit jou week af met 'n heerlike Kwaai braai-paai!

Só gaan ons 5 resepte in die volgende week onthul!

Daar's lekker-luisterliedjies wat saam met elke resep gaan, en dié kan jy nou luister terwyl jy kook of eet. En só gaan ons speel....

1. Ons gee 'n lys van liedjies uit 'n spesifieke hoofstuk.

2. Júlle kies jul gunsteling uit die lys.

3. Die resep wat ooreenstem met die gunsteling-liedjie sal dan onthul word.

Van watter liedjie hou jy die meeste uit dié lys? Gee jou keuse in die kommentaarboks hieronder.

Does Your Mother Know - ABBA

Bring jou hart - Juanita du Plessis en Theuns Jordaan

Push me to the Floor - The Parlotones

Jessica - Ray Dylan

Can't Get Enough of your Love, Babe - Barry White

DAG 1: Julle het 'Sweet Caroline' van Neil Diamond gekies. Hier's die resep wat daarby pas: Vinnige tuisgemaakte roomys

DAG 2: Julle het 'Something Stupid' van Robbie Williams en Nicole Kidman gekies. En hier's Marianne se wenner vir 'n koue wintersdag

DAG 3: Die wen-liedjie was Simon & Garfunkel se 'Sound of Silence'. En die resep wat daarby pas is: Veronica se pilcharetti.

DAG 4: Julle kies Neil Diamond se 'I'm a Believer' en die resep wat daarby pas: Nataniël se somerpasta