Kors

  • 400 ml koekmeel
  •  2 ml sout
  • 125 ml botter, by kamertemperatuur
  • 60 ml yswater
  • 20 ml brandewyn
  • effens geklitste eierwit

Smeer of spuit ’n 24 cm-diep tertbak. Sif koekmeel en sout saam. Vryf die botter in tot dit soos broodkrummels lyk. Meng die yswater en brandewyn en meng met droë bestanddele tot hanteerbare deeg. Draai in kleefplastiek toe en laat vir 30 minute in yskas rus.

Seekos-vulsel

  • 200 g gaar skulpvis
  • 15 ml botter,
  • 10 ml knoffelgegeurde olyfolie
  • 175 ml fyngekapte preie ( gebruik die sagte deel)
  • 250 g sampioene, in dun skyfies gesny
  • 120 g steurgarnale, doppe verwyder
  • 120 g calamari
  • 180 g gerasperde cheddarkaas
  • 125 ml volroomelk
  • 60 ml room
  • 70 ml ongegeurde jogurt
  • 3 ekstragroot eiers, geklits
  • 3 ml sout en 2 ml varsgemaalde swartpeper
  • 10 ml vars tiemieblare (of 5 ml gedroog)

Vlok die gaar skelvis. Verhit botter en olyfolie in swaarboompan. Roerbraai gekapte preie tot sag, voeg sampioene by en braai tot begin verbruin. Voeg garnale en calamari by en roerbraai 1 minuut. Voeg gaar skelvis en kaas by.  Klits die melk, room, jogurt en eiers by.  Geur met sout, peper en tiemie en roer goed.

Maak die tert

Rol die deeg tot 1 cm dik uit op ’n plank wat met bruismeel besprinkel is. Voer die bord daarmee uit en druk gaatjies in die bodem. Verf liggies met die eierwit en plaas vir 10 minute terug in yskas. Skep vulsel in kors. Bak 50 – 60 minute op middelste rak tot gaar, gestol en ligbruin.

Garnering

  • 20 ml  knoffelbotter
  • 250 ml dwerggarnale, doppe verwyder
  • 3 ml suurlemoenpeper
  • 20 ml soet rissiesous

Verhit knoffelbotter in swaarboompan. Plaas dwerggarnale daarin, geur met peper en roerbraai vir 2 minute. Skep rissiesous oor en roer tot dik. Skep mengsel bo-oor souttert en versier met vars takkies tiemie en pietersielie.  Sit voor met lekker slaaie.