• 50 g gedroogde porcini-sampioene
  • 250 ml hoenderaftreksel
  • 500 ml Chardonnay
  • 5 salotte, fyngekap
  • 60 g (65 ml) ongesoute botter
  • 40 g (45 ml) ongesoute botter
  • 25 g (45 ml) koekmeel
  • 250 ml room
  • sout en varsgemaalde swartpeper

Plaas sampioene in ’n bak en gooi warm aftreksel oor. Laat staan sowat 30 minute dat die geur van die sampioene goed in die aftreksel kan intrek en sampioene sag kan word. Plaas die Chardonnay en salotte in ’n kastrol en bring tot kookpunt. Verlaag hitte en laat wyn afkook tot helfte van die volume. Haal van hitte af en voeg die 60 g botter by, stukkie vir stukkie tot dit gesmelt is. Laat smelt nou die 40 g botter in diep pan. Voeg meel by en roer tot gladde pasta vorm. Voeg geweekte sampioene met aftreksel en al by en meng goed. Die sous sal baie dik lyk, maar net tot jy die afgekookte Chardonnay-en-uiemengsel bietjie-bietjie begin byvoeg. Roer tot glad en voeg room by. Hou aan roer tot room warm is en geur sous met sout en peper. Skep sous oor hoender of sit in ’n aparte bakkie voor.