(6 porsies)

  • 3 groot hande vol groenbone
  • 250 ml amandels
  • 30-45 ml botter
  • 200 ml slaaisous
  • sout en peper na smaak

Knip punte van groenbone af. Dompel in kookwater en kook tot sag maar nog ferm. Dreineer dadelik en spoel in 'n sif onder koue water af. Plaas in 'n opdienbak. As die amandels nog velletjies aan het, gooi kookwater oor en pel die amandels terwyl nog warm. Verhit botter in 'n pan en braai die amandels tot effens bruin. Haal dit uit die pan en laat afkoel. Gooi slaaisous oor die boontjies en versier met amandels.