Kan jou dag dan beter begin as met ’n koppie boeretroos en tuisgebakte karringmelkbeskuit? Gebruik die tradisionele resep as basis en gee dit ’n kinkel met bessies, sjokolade en neut, of fudge.

genoeg vir 14 – 16 stukke

• 330 g (500 ml) glutenvrye bruismeel

• 140 g (375 ml) kekerertjie-meel

• 7,5 ml bakpoeier

• 2 ml sout

• 150 g (160 ml) botter

• 180 g (200 ml) strooisuiker

• 1 eier

• 185 ml karringmelk

• 5 ml koeksoda

Verhit oond tot 160 °C. Plaas twee soorte meel, bakpoeier en sout in groot mengbak. Meng en hou eenkant. Smelt botter en suiker saam in mikrogolfoond – roer tot suiker gesmelt is. Laat afkoel tot louwarm en voeg eier en karringmelk by. Meng deur. Voeg koeksoda by en meng. Laat staan tot mengsel skuim en bruis – sowat 2 minute. Gooi by droë bestanddele en meng deur met houtlepel. Skep beslag in ronde koekpan van 25 cm in deursnee of broodpan van 20 x 12 cm wat goed met kleefwerende kossproei gespuit is. Bak 50 – 60 minute of tot toetspen skoon uitkom. Laat afkoel en keer uit. Sny beskuit met riffelmes in porsies so groot soos jy verkies. Plaas op afkoelrak en droog sowat 4 uur lank uit in oond van 60 °C of oornag in louoond.

3 variasies met dié basisresep

Muesli en bloubessies

Sjokolade en pistasieneut

Fudge