(genoeg vir 8)

  • 140 g madeirakoek, in skywe gesny
  • 500 g roomkaas, by kamertemperatuur
  • 100 g (125 ml) strooisuiker
  • 20 ml koekmeel
  • 3 eiers, by kamertemperatuur
  • 60 ml room
  • 100 ml kakao
  • 5 ml vanieljegeursel

Framboos-bolaag

  • 4 velle gelatien
  • 100 ml yswater
  • 200 g bevrore frambose
  • 275 g framboos-jogurt
  • 250 ml room, geklits tot sagte punte vorm
  • 12 heel aarbeie
  • 60 ml versiersuiker

Verhit oond tot 180 °C. Voer ’n 30 cm- losboomkoekpan met die madeirakoek uit. Plaas roomkaas, strooisuiker en meel in elektriese menger en klits goed vir sowat 2 minute. Skraap kante van menger skoon. Breek eiers een vir een by en klits elke keer goed. Voeg room by en klits vir sowat 5 minute. Voeg kakao en geursel by en meng goed. Plaas uitgevoerde koekpan op ’n bakplaat en gooi vulsel in. Bak vir 20 minute.

Verlaag temperatuur na 120 °C. Bak vir nog 1 uur en 30 minute. Haal uit oond en laat afkoel. Plaas in yskas en laat verder stol.

Framboos-bolaag

Week gelatien-velle in yswater tot sag. Ver werk frambose en jogurt in voedselver werker tot gladde mengsel. Plaas in middelslag- pot en bring tot kookpunt oor lae hitte. Ver wyder van plaat. Druk water uit gelatien-velle en voeg by jogurt-mengsel. Roer tot glad. Laat afkoel tot kamertemperatuur. Vou room versigtig in en gooi oor gebakte kaaskoek. Plaas in yskas vir 2 – 4 uur om te stol. Haal pan se ring af en sit koek op opdienbord. Rol aarbeie in versiersuiker en plaas op koek. Sit voor. as die jogurt-mengsel stol voor jy die room ingevou het, sit dit ’n paar sekondes in die mikrogolfoond om weer te smelt. moenie die room invou as die mengsel nog te warm is nie.

OM TE DRINK

J.C. le roux Pinot Noir rosé 2009 (R110)