genoeg vir 1 groot koek

195 g (210 ml) botter

410 ml water

70 g (175 ml) kakao

420 g (750 ml) koekmeel

10 ml koeksoda

10 ml bakpoeier

600 g (710 ml) strooisuiker

3 eiers

190 ml karringmelk

1 x 360 g-blik karamelkondensmelk

100 g-boks sjokoladekrulle

100 ml winkel-karamelsous

Verhit oond tot 160 °C. Plaas botter, water en kakao in middelslag-pot en bring tot kookpunt. Roer tot botter gesmelt het. Laat afkoel tot louwarm. Sif meel, koeksoda en bakpoeier saam in ’n mengbak. Hou eenkant. Voeg suiker, eiers en karringmelk by kakaomengsel en roer tot glad. Gooi by droë bestanddele en meng tot gladde beslag vorm. Voer 5 x 20 cmlosboompanne uit met bakpapier en spuit goed met kleefwerende kossproei. Verdeel beslag tussen die 5 panne – dis nie baie beslag nie, maar elke pan is een laag van die koek. Jy kan die beslag ook in 2 x 30 cm-koekpanne bak en die lae dan middeldeur sny dat daar 4 lae is. Bak 20 – 25 minute of tot toetspen skoon uitkom. Keer uit op afkoelrak en laat afkoel. Plaas eerste laag koek en wissel af met karamel, sjokoladekrulle en karamelsous.