6 toffie-pere

  • 400 g (500 ml) suiker
  • 250 ml water
  • 6 Beurre Bosc-pere

Plaas suiker en water saam in ’n kastrol. Roer terwyl jy dit verhit. Sorg dat die suiker gesmelt is voor die stroop begin kook. Kook vir sowat10 minute tot hardebal-stadium (wanneer ’n klein bietjie van die stroop ’n harde balletjie vorm as jy dit in yswater laat drup). Jy moet versigtig werk wanneer die pere in stroop gedoop word, dis ongelooflik warm. Hou aan hul stingels vas. Plaas pere op bakplaat uitgevoer met gesmeerde bakpapier.