Sowat 12 – na gelang van hoe groot jy die blokkies sny

  • 280 g (500 ml) koekmeel
  • 5 ml sout
  • 5 ml bakpoeier
  • 7,5 ml suiker
  • 250 ml dubbeldik room (double thick)
  • 30 ml melk

Verhit oond tot 180 °C. Sif meel, sout en bakpoeier saam in mengbak. Voeg suiker by en meng deur. Voeg room en melk by en meng goed deur tot ’n deeg vorm. Rol dun uit (sowat 3 mm) op meelbestrooide oppervlak. Jy kan nou die beskuitjies in vierkante uitsny of selfs met ’n ronde koekiedrukker uitdruk. Plaas op gesmeerde bakplaat en prik deeg met ’n vurk. Plaas in oond en bak vir 8 minute. Haal uit en draai beskuitjies om. Bak nog 6 – 8 minute. Haal uit en laat afkoel op ’n afkoelrak.