(4 PORSIES)

  • 12 groot Mediterreense aartappels
  • sout na smaak
  • 80 ml olyfolie
  • 8 weisswurste (sien bl. 93)
  • 1 bottel (810 g) suurkool

Verhit jou oond tot 180 °C. Skil die aartappels en sny in skywe. Plaas aartappels in ’n oondroosterbak en

gooi olyfolie oor. Skud die aartappels in die olyfolie en maak seker dis goed bedek. Sprei die aartappels in een laag. Plaas in warm oond en rooster vir sowat 35 – 40 minute tot bros en gaar. Skuif nou die aartappels eenkant in die bak. Plaas worse in die bak en sit dit terug in die oond. Draai die worse om ná so 10 minute en nou kan jy die suurkool ook in die oondbak plaas. Rooster verder vir nog omtrent 10 minute. Sit voor saam met jou gunstelingmosterd.

Wenk: Jy kan die weisswurst met bockwurst vervang. Sny kepies in die wors en volg die resep soos hierbo.

Om te drink:

‘n Houtverouderde chardonnay met ‘n room-vanielje karakter sal goed by die geroosterde aartappels pas. Probeer gerus Weltevrede se Vanilla Chardonnay. Jy kan ook ‘n meer vrugtige wyn bysit, soos

Cederberg se Bukettraube.