Appel-en-framboos-panpastei

akkreditasie
Dié een is vir almal wat ’n maklike kortpad soek! Rabarber. wat nog vir ’n rukkie te kry is, kan in frambose se plek gebruik word. Sny net die stingels in 1 cm-stukke.

(6 porsies)

  • 8 groot appels, geskil en ontklok
  • 200 g bevrore frambose
  • sap van 1 suurlemoen
  • 110 g (130 ml) strooisuiker
  • 5 ml fyn kaneel
  • 5 ml vanieljegeursel
  • 30 ml mielieblom
  • 15 ml water
  • 1 x 400 g-rol bevrore blaardeeg, ontdooi
  • 1 eier, liggies geklits
  • 45 ml witsuiker

Verhit oond tot 200 °C.

Plaas appels, frambose, suurlemoensap, strooisuiker, kaneel en vanielje in ’n groot mengbak. Skud tot goed gemeng. Gooi mengsel in oondvaste 30 x 30 cm-pan. Maak toe met foelie en bak vir 10 – 15 minute of tot appels sag is. Haal uit oond.

Meng mielieblom en water. Voeg by appelmengsel in pan en roer goed deur. Sny deeg in ’n sirkel 2 cm groter as die pan. Plaas bo-op en vou kante netjies na binne. Verf deeg met eier en sprinkel suiker oor. Bak vir 20 – 25 minute of tot goudbruin en gaar.

Sit voor met warm vla of dik room.

Tuisgemaakte eiervla

Dis maklik om self eiervla te maak en dis boonop baie lekkerder as gekoopte vla. Bring 400 ml melk saam met 10 ml vanieljegeursel tot net onder kookpunt. Klits in ’n aparte bak 5 eiergele en 60 ml strooisuiker saam tot lig en romerig. Voeg warm melk stadig by eiergeelmengsel terwyl jy klits. Gooi mengsel terug in pot en roer oor lae hitte met ’n houtlepel tot mengsel die agterkant van die lepel bedek. Dis belangrik om nie die mengsel te laat kook nie, anders gaan dit skif. Gooi gaar eiervla deur ’n sif en laat afkoel.

Herman se wenk

Jy kan die pastei ook in aparte oondvaste bakkies gaarmaak.

JONGSTE UITGAWE

SEPTEMBER/OKTOBER 2021

JONGSTE UITGAWE
SARIE is dié glanstydskrif van die Afrikaanssprekende vrou van Suid-Afrika.
Begin lees
Nuusbriewe: Registreer gratis

Registreer vir ons nuusbrief en bly op hoogte van die jongste SARIE-nuus.

Klik vir nuusbriewe
SLIMMER MET SARIE

Tuiskokke, raak slimmer met SARIE!

SLIMMER MET SARIE
Skerp jou vaardighede op met Herman Lensing se kookkursus.
Sien meer
SARIE BRUID: (VER)KOOP MY ROK EN ANDER DIENSTE
SARIE BRUID: (VER)KOOP MY ROK EN ANDER DIENSTE
Splinternuut! Nou kan jy ander bruide inspireer met jou trourok, -produk of -diens. Of inspirasie vir jou droomtroue binne die SARIE-wêreld kry.
Begin lees