(genoeg vir 4 manne)

  • 550g (980ml) witbroodmeel
  • 30ml bakpoeier
  • 5ml sout
  • 1 blik (340ml) bier
  • 15ml olyfolie

As jy jou droë bestanddele by die huis in 'n sakkie afgemeet het (sien kassie oorkant), gooi jy nou net alles in 'n bak of kastrol. Voeg die bier en olyfolie by. Meng goed en knie vir sowat 10 minute. Verdeel deeg in 9 bolletjies wat jy plat druk met jou handpalm tot sowat 10 x 10cm. Verhit 'n pan oor matige hitte en braai die brode vir so 3 minute aan 'n kant en draai om. Braai vir nog 3 minute aan die ander kant. Hou die leë bierblikkie; jy gaan dit nodig hê om die wyn af te meet vir die cowboy-boontjies.