(4 soufflés)

  • 100 g donkersjokolade,gesmelt
  • 2 eiergele
  • gerasperde skil van 1 lemoen
  • 5 ml vanieljegeursel
  • 4 eierwitte
  • 50 g strooisuiker
  • 30 ml versiersuiker

Verhit oond tot 160 °C. Meng sjokolade, eiergele, vanieljegeursel en lemoenskil saam in 'n mediumgroot mengbak. Klits eierwitte tot sagte punte vorm terwyl jy die strooisuiker geleidelik byvoeg. Hou aan klits tot blink en styf. Skep 1 lepel van die meringue by die sjokolademengsel en meng deur om dit los te maak. Vou res van die mengsel by en verdeel dan tussen 4 oondvaste bakkies. Bak vir 15 - 20 minute of tot uitgerys en goudbruin. Sit dadelik voor.