(12 kolwyntjies)

  • 175 g donker sjokolade
  • 55 g ongesoute botter
  • 2 eiers
  • 175 g strooisuiker
  • 65 g koekmeel
  • 55 g bruismeel
  • 100 g ongesoute botter, in blokkies
  • 100 g roomkaas
  • 30 g strooisuiker
  • 15 ml heuning
  • 1 eier
  • 15 ml bruismeel
  • versiersuiker om te sif

Verhit jou oond tot 175 ºC. Voer ’n kolwyntjiepan met 12 papierbakkies uit. Smelt die sjokolade en botter saam in ’n glasbak oor ’n kastrol met kookwater. Klits die eiers en suiker saam tot lig en romerig. Sif die
koekmeel en bruismeel saam. Vou die meel in die eiermengsel in saam met die gesmelte sjokolade. Skep die mengsel in die papierbakkies. Plaas die hele kaaskoekmengsel in ’n elektriese menger. Klits al die bestanddele goed saam. Skep die kaaskoekmengsel bo-op die sjokolademengsel. Plaas in die warm oond en bak vir 30 minute. Haal uit die oond en laat afkoel. Sif ’n klein bietjie versiersuiker bo-oor.