6 porsies

  • 30 ml sonneblomolie
  • 700 g ontbeende lamsboud, in blokkies gesny
  • 350 g klein uitjies
  • 2 knoffelhuisies, fyngedruk
  • 250 g klein sampioene
  • 175 g gedroogde appelkose
  • 250 ml beesvleisaftreksel
  • 250 ml rooiwyn (gebruik ‘n cabernet sauvignon)
  • 15 ml tamatiepuree
  • 10 ml suiker
  • sout en vars gemaalde swartpeper na smaak
    Pietersielie-kluitjies
  • 115 g bruismeel
  • 50 g wit margarien
  • 1 eetlepel gekapte pietersielie
  • 5 eetlepels koue water

Verhit die sonneblomolie in ’n groot kasserol. Braai die lamsvleis (’n bietjie op ’n slag) tot goed bruin. Haal die vleis uit die kasserol en hou dit eenkant. Voeg die sampioene, uitjies en knoffel in dieselfde kastrol. Braai vir so 5 minute. Sit nou al die vleis terug in die kastrol saam met die sampioene, knoffel en uitjies. Voeg die res van die bestanddele by en geur met sout en vars gemaalde swartpeper. Bring tot kookpunt en plaas in ’n oond teen 160 °C vir 1½ tot 2 uur. Intussen kan jy die kluitjies maak. Meng die wit margarien en meel saam in ’n voedselverwerker totdat dit soos broodkrummels lyk. Voeg die gekapte pietersielie by. Voeg water lepel vir lepel by totdat dit ’n stywe deeg vorm. Sit nog ’n bietjie meel in jou hande en rol klein balletjies deeg. Maak sowat 8 tot 10 kluitjies. Sit die kluitjies op bakpapier en bedek met kombuispapier. Wanneer die lamsvleis vir sowat 2 uur in die oond was, plaas die kluitjies bo-op die vleis, sit deksel op en plaas terug in die oond vir nog sowat 20-30 minute. Die kluitjies sal verdubbel in grootte.

Om te drink
'n Lekker speseryagtige shiraz gaan jou tone saam met dié gereg laat krul. Jordan is my gunsteling, gevolg deur Muratie.