(4 porsies)

  • 30 ml botter
  • 2 knoffelhuisies, gekap
  • ½ ui, gekap
  • 1 groen brandrissie, saadjies verwyder, gekap
  • 1 x 400 g-blik kekerertjies (chickpeas)
  • skil en sap van 1 suurlemoen
  • 200 ml melk
  • sout en varsgemaalde swartpeper na smaak
  • 30 ml olyfolie
  • 24 kammossels (scallops)

Verhit die botter in 'n mediumgroot pan. Voeg knoffel, ui en rissie by. Braai liggies vir 5 minute tot sag en deurskynend. Voeg kekerertjies, suurlemoenskil en -sap by. Braai vir nog 5 minute. Voeg melk by en verlaag hitte. Laat stadig prut vir 3 minute. Verwyder van hitte en verwerk met 'n voedselverwerker tot 'n gladde puree. Geur goed met sout en swartpeper. Verhit olie in 'n skoon pan. Braai kammossels vir 2 - 3 minute per kant of tot goudbruin en gaar. Geur met sout en swartpeper. Sit voor op warm kekerertjie-puree.